نظام مخزن وحسابات متكامل، ويا بوت ردود يبيع عنك 24 ساعة
Admin X يجمعلك المخزون لكل لون وقياس، والطلبات والشحن، والحسابات وتقارير الأرباح بمكان واحد. وبوت ذكي يرد على زبائن إنستغرام وماسنجر وواتساب بلهجتهم، ويثبّت الطلب وينقصه من المخزن لحاله.
3 خطوات، والبوت يبدي يبيع
ما تحتاج خبرة تقنية. كلشي بالعربي، وكلشي من الموبايل أو الحاسبة.
سوّي حسابك
برقم موبايلك، ويوصلك رمز تأكيد على الواتساب. دقيقة وحدة وحسابك جاهز.
اربط بيجك وعرّف منتجاتك
تربط بيج الإنستغرام أو الفيسبوك أو رقم الواتساب، وتضيف منتجاتك بالمحادثة ويا البوت.
البوت يرد ويبيع
يجاوب الزبائن، ويفاصل، ويثبّت الطلب. وإنت تشوف الطلبات تنزل بالمنصة وتشحنها.
موظف مبيعات ما ينام، يحجي مثلك
مدرّب يعرف كل منتج عندك، ويرد على كل زبون بنفس الاهتمام، بالليل والنهار.
يحجي بلهجة زبونك
عراقي، محترم ومختصر. وإنت تختار نبرته من أمثلة جاهزة، ولكل بيج نبرتها.
يفاصل بأسلوبك
لكل منتج تحدد: ينزل بمبلغ ثابت، أو يعطي آخر سعر مباشرة، أو ما ينزل أبد.
يثبّت الطلب لحاله
ياخذ الاسم والرقم والعنوان، ويحسب أجور التوصيل حسب المحافظة، والطلب يوصلك فوراً.
يسألك إذا ما يعرف
سؤال ما يعرف جوابه؟ يوصلك تنبيه، تجاوب، والبوت يكمل ويا الزبون بدون ما يضيع.
يتابع الزبون اللي سكت
إذا الزبون وكف بنص الحجي، البوت يرجع يذكّره بعرض بالوكت اللي تحدده.
تضيف منتجاتك بالمحادثة
تدز صورة وتحجي عن المنتج، والبوت يسألك الناقص ويرتبه بالمخزون لحاله.
كل الطلبات والمحادثات بمكان واحد
من كل بيجاتك وكل القنوات، مرتبة ومعروف كل طلب منين إجا.
- صندوق رسائل موحدتشوف كل محادثة، وتستلمها من البوت بضغطة إذا تريد ترد بنفسك.
- طلبات جديدة ← تم الإرسال ← الأرشيفتحدد مجموعة طلبات وترسلها، وتنشئ شحنة يدوية للطلبات اللي تجيك برا البوت.
- تنبيهات فوريةطلب جديد، زبون يحتاج ردك، منتج قرب يخلص: كلها توصلك أول بأول.
- ربط مباشر ويا شركات التوصيل قريباًطلباتك تنرفع مباشرة لشركة التوصيل اللي تتعامل وياها بضغطة وحدة، ورقم الشحنة وحالتها (بالطريق، واصل، راجع) ترجع للمنصة لحالها. بدون نسخ ولا إدخال يدوي.
اعرف ربحك الحقيقي، مو بس مبيعاتك
مخزن مربوط بالطلبات: كل طلب ينقص من المخزون، وكل راجع يرجع، والأرباح تنحسب بعد التوصيل والترويج.
- مخزون لكل لون وقياسوتنبيه قبل ما يخلص أي لون أو قياس.
- استلام الراجع برقم الشحنةالقطع ترجع للمخزون، والحسابات تتعدل لحالها.
- حسابات واضحةالفلوس يم شركة التوصيل، والسيولة، والأرباح، والمسحوب، واستلام المبالغ من كشف الشركة.
- تقاريرالأكثر مبيعاً، والأرباح لكل بيج، والمحافظات، والطلبات الخاسرة وسببها.
كل بيجاتك وكل موظفينك بحساب واحد
سواء عندك بيج وحدة لو عشرة، وموظف واحد لو فريق كامل.
مخزن واحد، وبوت خاص لكل بيج
كل بيج إلها منتجاتها ونبرة بوتها وأجور توصيلها وسياسة استرجاعها. وكل طلب مكتوب عليه البيج اللي إجا منها.
موظفين بلا حد، وكل واحد بصلاحيته
تحدد لكل موظف شنو يشوف وشنو يدير، وعلى يا بيجات يشتغل. وسجل نشاط يبين منو سوّه شنو.
ما نطلب كلمة سر بيجك. أبد.
ربط بيجك يصير من نافذة تسجيل الدخول الرسمية مال Meta (فيسبوك وإنستغرام)، مو من عدنا. إنت تسجل دخولك هناك بنفسك، وتختار البيج، وMeta تعطي المنصة إذن محدود بس للرسائل اللي يحتاجها البوت حتى يرد على زبائنك.
كلمة سر حسابك ما تمر علينا ولا نشوفها، ولا نكدر نغير شي ببيجك أو ننشر بيها. وإذا حبيت، تشيل الإذن بأي وكت من إعدادات فيسبوك نفسها، وبضغطة وحدة.
- ما نشوف كلمة سركتسجيل الدخول بصفحة Meta الرسمية، وكلمة السر تبقى بينك وبينهم.
- إذن للرسائل بسالمنصة ما تنشر، وما تحذف، وما تغير إعدادات بيجك.
- تلغي الإذن بأي وكتمن إعدادات فيسبوك أو من المنصة، والبوت يوكف فوراً.
- بيانات زبائنك ما تنباعتُستخدم بس لخدمة محلك، وما تنشارك ويا أي جهة.
بياناتك وبيانات زبائنك بأمان
سعر واضح، تدفع بس على اللي تستخدمه
كل بيج خدمة، والمخزن خدمة. بدون حد للرسائل، وبدون رسوم مخفية.
احسب اشتراكك
كل بيج خدمة، والمخزن خدمة. وكل خدمة اشتراكها الشهري لحالها.
كل اشتراك بيه
- ردود بلا حد على الزبائن
- موظفين مجاناً وبلا حد
- كل خدمة اشتراكها شهري لحالها، 30 يوم
- تضيف أو تطفي خدمة بأي وكت
- دفع ببطاقة فيزا أو ماستركارد
عندك سؤال؟
أحتاج خبرة تقنية حتى أستخدمه؟
لا. كلشي بالعربي وبخطوات واضحة. تربط بيجك بضغطات، وتضيف منتجاتك وإنت تحجي ويا البوت مثل ما تحجي ويا موظف.
إذا الزبون سأل شي البوت ما يعرفه؟
البوت ما يألّف. يكول للزبون لحظات، ويوصلك تنبيه بالسؤال. تجاوب من المنصة، والبوت يكمل الحجي ويا الزبون.
أكدر أرد على الزبون بنفسي؟
أكيد. بأي محادثة تضغط «أنا أستلم»، فالبوت يوكف بهاي المحادثة بس، وترجعه وكت ما تريد.
البوت يعطي خصم من كيفه؟
لا. إنت تحدد لكل منتج: ينزل بمبلغ ثابت، أو يعطي آخر سعر مباشرة، أو ما ينزل أبد. والبوت يلتزم بيه.
عندي أكثر من بيج، أحتاج أكثر من حساب؟
لا. حساب واحد يجمع كل بيجاتك، ويا مخزن واحد. وكل بيج إلها إعداداتها ومنتجاتها.
شلون أدفع الاشتراك؟
ببطاقة فيزا أو ماستركارد من أي مصرف، من داخل المنصة. وكل خدمة تتجدد كل 30 يوم، وتجددها بآخر أيام شهرها.
أكدر ألغي أو أطفي خدمة؟
إي بأي وكت. الخدمة تبقى شغالة لحد نهاية الشهر اللي دافعه، وبياناتك تبقى محفوظة إذا رجعت.
تحتاجون كلمة سر الإنستغرام أو الفيسبوك مالتي؟
لا، أبد. الربط يصير من نافذة تسجيل الدخول الرسمية مال Meta، وإنت تسجل بنفسك هناك. المنصة تاخذ إذن محدود للرسائل بس، وكلمة سرك ما توصلنا. وتكدر تلغي الإذن بأي وكت.
الموظفين يكلفون فلوس؟
لا. تضيف موظفين بلا حد ومجاناً، وكل واحد بصلاحياته وبيجاته.
خلي البوت يشتغل، وإنت ركّز على محلك
سجّل هسه، واربط بيجك، وجرّب 7 أيام مجاناً بدون بطاقة.